Işiň bilen bolsaň

Ýüz ýyl öňem şeýledi bu,
işiň bilen bolsaň diňe,
sözüň, özüň ýok ýalakdyr,
ýüzüň-gözüň gök dalakdyr,
urjak bolar eli ýeten,
iň bolmanda dili ýeten,
ýaralasa, göwni biter,
uly işi, maksatlary,
etsem-petsem, ýazsam-pozsam,
taşla beýläk, unut, diňle
ömründe bir hekaýa däl,
goşgyny-da soňuna çen
sabyr edip, okamadyk,
halyny däl, gyzyl gölli,
kilimi-de dokamadyk,
gykylyga gezek gelse,
iki paý däl, on, onbäş paý,
o gürlese, ýyldyzlar däl,
dymmaly bor gün bilen aý,
akyl berer, at dakar ýa,
aslyşjak bor görden çykyp,
ýüz ýyl öňem şeýledi bu,
ýene şeýle bolar, çakym.