Il we hassalyk

Dogry, adam hassa bolýar, ýogalýar,
adamlar-da şeýleräjik aslynda,
ýagny millet, derdin bilmän kän, uzak
ejir çekýär düşünýänçä özüne,
alla, hudaý diýip, özün aldaýar,
agzyna aňalyp azgyn mollanyň,
ahunlaryň, okan hemem düşünen,
adamyň allasy özünde, ýalňyz,
gorasa goragly, ýorganly ýapsa,
ýa-da üsti açyk aňzakda galyp,
aýagyn uzatman ýorgana görä,
bu gün köşgi-eýwan gurunyp, ertir
ýurtdan gaçyp ýa-da türmede ölüp,
düşünmeýär hemme özüne gelip,
günäkär gözleýär daşardan, içden,
diýýär olar hassa, ýasama gülüp,
dogry, millet hassa bolýar ýa duzak,
gapan gurup, öz-özüni egleýär,
tapawudy näme türkmen ýa gazak?