Kiçi beýiklik

Kiçi diňe el ýetenin kiçeldip,
beýgeljek bor, ýazjak bolar gerdeni,
kemsitjek bor kemsinende hemişe,
düşünmez hiç adamzadyň derdine,
çykjak bolýan garyplykdan mal ýygyp,
hemem bir gün döküp gidýän baryny,
öz ýurdunda, ýat illerde, parhy ýok,
sakçy bolup, soňuna çen aýlyksyz,
gije ýatman, gündiz ýatman goraglap,
ejiz diňe urup, ýenjip güýçlüdir,
ýüzi güler eger ýalbarsaň aglap.