Akyl we syýsatçy meselesi

O gün biri, iş adamy,
syýasatçy bolan täze,
gürrüň etdi intellekt,
intelligent hakda biraz,
arasynda çöp-çalama,
daga-daşa urup, garaz,
aýan etdi islegini,
ýeňjekmişin samsyk hany,
dünýä gülki eden ilin,
hiç birinde goýman sany.

Goşulsynlar diýdi bize,
wagty barka, edip akyl,
soň gelene giç boljakmyş,
alyp bilmez, belki, hakyn...

Akyl gerek ula, kiçä,
galmak üçin aman-esen,
gitmek üçin çykyp köçä,
bolmaz ýaly gorkup tesen,
öýüne çen kynçylykdan,
meseläni çözmän, alla,
hudaý diýip, yza gaçan,
hem garaşan başgalardan,
hapa işi etsin diýip,
ýa-da ölüp, ýitsin diýip.

Ile akyl gerek mydam,
akylly hem şonuň ýaly,
ony diňe gyssanaňda,
gerek wagty gözläp, haly,
kilim ýaly düşek edip,
aýagasty edip ýyllap,
soň bolmaýar bagyrsaň-da,
öňe diýip, öňe gidip.

Kelteldikçe iliň huşy,
keltelmeli ömri, belki,
akyl hakda gürrüň etmän,
akyllyja bolsaň ilki,
nakyllary bilseň ilki,
hemem bilseň Magtymguly,
ýa Kemine näme diýdi,
ýa-da ondan aňyrkylar,
dilindäki ýürek sözi,
soňkular däl, erki alnan,
elek-çelek ýüzi, gözi,
emel ýeten, syýasatçy,
bolsa eden ölmez-gülmez,
sebäbi ne ownamagyň,
töhmet bolup, soňy gelmez?

Okamasaň, düşünmeseň,
wagtyň bolman, düşünýärin,
zat yzynda sepil hemme,
aglamadyk adam ogly,
haçan aldy süýtli emme,
alla diýip, iki ýüzli,
o gün biri, syýasatçy,
akyl hakda akyl satdy,
hem ýatladyp gelejegi,
azajyk ir haýbat atdy.