Bu drama

Bu drama olaryňky,
meniňki däl, meniňki däl,
bu dograma meniňki täk,
seniňki däl, seniňki däl.

Men iýmeli, men içmeli,
men guçmaly gowusyny,
köşgi-eýwan gurup uly,
men geýmeli saýlap-seçip,
at münmeli, sowgat berlen,
maşynlary çalyşmaly,
köýnek ýaly, günde, belki,
sebäbi men utdum ýeser,
utulan dek eglip ilki.

El ogşadym gerek bolsa,
deregi-de çapdym, ýykdym,
ogurladym el ýetenin,
hemem gowy ýerde bukdum.

Olar asy, men däl asla,
meň ýerime gelip bilse,
hasam beter ederdiler,
agyr-agyr töhmet toslap,
türmä salyp beýik, uly,
daşdan gulplap giderdiler,
kim etmejek bolsa puly,
ogurlanan gorky bilen,
meniňki däl bu drama,
olaryňky durky bilen.

Goý, geýsinler çöwre, düzüw,
kellä ýa-da aýagyna,
bu don, telpek olaryňky,
çydasa öz taýagyna.