Hawa hem ýok

Hawa hem ýok, hawa hem ýok,
döwlet bilen oňuşmaly,
il ýalaňaç galsa gyşda,
senem çyplak doňuşmaly,
dymyşmaly dyman bilen,
ýorganyna sümen bilen,
baş galdyrman ýatmaly kän,
ölen ýaly, gymyldaman,
geplemese, diýmese ol
derdini ýa dermanyny
soramasa açyk, aýdyň,
sen soraşjak bolsaň aýdyp,
ýüzüň, ýeňsäň des-deň edip,
depse, ursa, ýa öldürse,
hawa hem ýok, hawa hem ýok,
döwlet bilen oňuşmaly,
aç, ýalaňaç sowuk gyşda,
iliň bilen gagşamaly,
uran elin yza itmän,
mäkäm tutup, ogşamaly,
hemem, alla, etmeli däl,
eger-eger, bu işi sen,
eger hudaý salan bolsa,
ýok diýmeli bu düýşe sen.