Bu türme

Men gowy däl diýdim bu türme başdan,
ýykalyň-da, başgasyny guralyň,
goý, giňiräk bolsun diýdim meýdany,
başlyklary bolsun diýdim başgarak,
iň bolmanda garny doýan çörekden,
sakçylary bolsun arassa biraz,
ýuwunmasyn sabynyna bendiniň,
ogurlap, yzyndan gelse her aýda,
diňlemekden geçen, gülen boldular,
indi galan ýaly hemmesi gaýda,
harasatda, üçekleri açylan,
men ýykalyň diýdim zyndany başdan,
ýa bolmasa, wagty barka gaçalyň.