Iliň güýji – siliň güýji

Iş edene, iş etjege elmydam
kesesinden kesek atan tapylar,
ýa tapylar baha kesýän özüçe,
diňleseň, düşünseň, bolarsyň haýran,
bir ilerik garap, bir garap gaýra,
aňşyrmarsyň aňsat nireden şemal,
akyllydyr göýä ähli bikemal,
ýöne ahyr gözüň ýeter, bilersiň
niýetine görä bahasy iliň,
sen her derde çäre gözläp kösenme,
özüne goý özün ýok edýän sili.