Durmuş we okuw kitaby

Senden okuw kitabynda köp zady
ýaşyrarlar döwlet syry mysaly,
adamlaryň açgözlügin esasan,
azgynlygyn, eger elleri gelse,
basyp alan agalaryň aýbyny,
sebäbi ýeňenmiş taryhy ýazýan,
soň görersiň ýaşyrylan dünýäni,
siňe baksaň çyplak, donly durmuşy,
halamazlar biljek bolsaň, sorasaň,
waspyn edip gurulmadyk gurluşyň,
mümkin bolsa günde aýlarlar başyň,
belki, iýer ýaly azapsyz ertir,
aňsat ýalan sözläp çöregiň, aşyň.