Şygyr, şahyr we adam

Şygyr birçak öldi diýýär käbiri,
geçdi diýýär döwri şahyryň, şiriň,
demir kapasada gabalan, ölen,
şalar diri, ýa-da ýaşan şa ýaly,
ýa dellallar, biri-birin goldaýan,
haryt bilen, oýunjak dek iň arzan,
ömrüň boýy it dek idip, aldaýan.

Käbirleri diýýär öldi okyjy,
öldürdi telefon ähli duýgyny,
paýhasyny, höwesini adamyň,
alyp gaçyp, meger, özünden daşa,
adam birçak öldi diýýär käbiri,
göräýmäge ýören bolsa-da ýaşap.