Ogry liderler

Çöken lider, partiýasy
diňe mala salýan sala,
dil kesmegi wada berýär,
hakyň öýi düşdi nola.

Tankyn alyp döwletiniň,
berim bilen ýöreýän täk,
sürjek, atjak başarsa ol,
näme görýär gözüň entek?

Är doganyň haçan, nädip
beýle nadan boldy, gardaş;
ýa ozalam ýokmy ugry,
myhmanmydy iş bilen aş?

Çöken lider, goldawçysy
bisowat hem nebsiň guly,
dil kesmegi wada berýär,
köpelensoň, meger, puly.

Stalini oýnaýarmy,
ýa soňundan gelen biri,
bu gidişde, galsa aman,
gömük bizde goýmaz diri.