Lenin sürgüni

Sowet adamlary söze ynanmaz,
geň görerler söze ynansa biri,
ynanmazlar olar kesekä, haka,
geň görerler göze ynansa biri,
gülen borlar biri ant içse, çynym,
alla kessin diýse, ýylgyryp ajy,
ýa birleri başyn salsa etege,
pikir eder bardyr ullakan pajy,
ynanmazlar olar haýwana asla,
guýruk bulap gelse, iýjek-içjekdir,
güman eder bir zat alyp gaçjakdyr,
ynanmazlar olar özli-özüne,
ýalan sözläp günaşa däl, her günde,
sowet adamlary ýüze ynanmaz,
şonuň üçin galýar, belki, sürgünde.