Aýy ogly
Leonid Anselowiçiň äheňinde
Ol oturdy ümsüm eltilen ýerde,
ilki kafedra müdiri boldy,
hukuk fakulteti, berlenin aldy,
soň oturdy häkimlikde Piterde,
Moskwada hökümete baş boldy,
elden-ele geçdi kürsüler, hezil,
haýsysyn berseler, diýmedi ä-ä,
soň partiýaň başy boldy birsellem,
soňra boldy döwletbaşy, görsene,
megerem bu iň gowusy ýyllaryň,
indi howpsuzlyga esewan edýär,
birden päli azaýmasyn gullaryň,
onda-munda gykylyk bar, käbiri
biljek bolýar kim bigünä, kim asy.
ýöne onuň işi oturmak ümsüm,
agyrtmazlyk kellesini esasy.