Dost gylygy

Gowy dostlar ýa ýakynlar elmydam
pyçaklamaz diňe arkaňdan gelip,
amatyny tapyp, bildirmän, yzdan
naýza salyp almaz olar janyňy,
alyp gezip uzak ýyllar ýanyňy,
gowusyrap, öwüp ýüzüňe, adam,
ägä boljak bolma ýeňsäňden diňe,
öňden gelip urar dostuň gowusy,
gözüňe seredip, söz tapyp gowy,
iň esasy müýni bolmaz uranda,
hiç utançjy bolmaz, murtunyň towy
sähelçe-de bolsa gowşamaz, gaçmaz,
bu näme üçin diýseň, diýer ol gülüp:
gaty görme, adam şeýleräk jandar,
öz yzyny goýýar öldürip, ölüp.