Günäkär gözleýjiler

Boljak işler bolandan soň,
ýüz müň umyt ölenden soň,
gözläňde nä günäkäri,
tapaňda nä ýarym-ýalta,
kimler üçin pully halta,
kimler üçin ganly palta,
dargandan soň müňläp ojak,
aglaňda nä sojap-sojap;
bilýän bolsaň, görýän bolsaň,
tanan bolsaň wagtynda, öň
ýa ýüzüne gelen bolsaň,
otyrka ol tagtynda oň,
hä diýerdim, bilýär hemme
näme boldy diýenlere,
ýeke sorag, näme üçin
aýdanlary goldamadyň,
ýa-da başga ýoldamydyň?