Gutarylmadyk goşgy

Diýýärler garybyň baýlygy mydam
ulurak bor baýyňkydan müň esse,
sebäbi ol garny doýsa, beg bolar,
a baý boldugyça kän bolar hassa.

Diňe mal däl, häkimýet-de şeýleräk,
näçe bolsa, gerek bolar ýene-de,
adam ogly aglap dogýar, bar günä,
belki-de mugt ak süýt beren enede?

Öz enesin, belki, sylar baý ogul,
ýöne sylap durmaz ähli enäni,
haçana çen dowam eder atyşyk,
nädip görjek yzdan ýarag çenäni?!.