Adamyň içindäki ýara

Eger biri seni halaýan diýse,
gowy görýän diýse edýän işleriň,
ýüzüňe ýylgyrsa, ýüzüňe öwse,
dikbaşaşak bökme guýyň düýbüne,
birinjiden, çuň bolguç bor guýular,
ikinjiden, nämeler bar düýbünde,
soň yzyňa çykyp biljek, geljekmiň,
häzir bol adamlar halaýan diýse,
halasa-da ýüreginden, bagryndan,
pahyrdyr ol, her şemala galgaýan,
gutulmak kyn içiňdäki ýagryňdan.