Boş hekaýa

Saçagy boş, jübüsi boş,
kellesi boş, ýüregi boş,
depä çykan düregi boş,
ederini bilmez asla,
güýmär ýaly güýmenjegi,
boş sözleri tapyp, toslap,
boş hekaýa ýazma, oglan,
her bir sözüň arkasynda
çaga bolsun aglap doglan,
bolsun aýal, erkek, garry,
maşgalalar, görýän görgi,
boş hekaýa ýazma, oglan,
boş diýsinler boşlar saňa,
pitjiň atsyn kaşlar saňa,
ýagşy niýet - ýarym döwlet,
ýol açylar yhlasyňdan,
päl açylar, ýapyk, bozuk,
durmaz mydam tümlük ozup,
özüň bilýäň, boş hekaýa,
boş goşgyny ýazan kändi,
baýrakmy-at, alan-aldy,
gördüň-ä öň näme boldy,
ýazma, oglan, suwjuk gazal,
tanaýaň-a, nirde galdy,
ýalandan kän joşan ozal.