Gedaýyň gedaýy

Adamyň iň uly baýlygy söýgi,
rehim-şepagat janly-jandara,
goý, kim bolsa bolsun ösüp, ulalyp,
eli ýetsin ýüzläp, müňläp urmaga,
ýatyrmaga ulus ili başaşak,
sesini çykaryp bilmesin kimse,
jeza berip asgyrsa ýa üsgürse,
goý, oýnasyn Stalini, hudaýy,
iki günlük beg bolsa-da daşyndan,
birin basyp, beýleksin boşadyp,
ynanmagyn, gedaý bolar ýüreksiz,
özgäni däl, öz-özüni uşadyp.