Hudaýyň etmedik işi

El çarpmasaň ýalanyna ýalançyň,
ýa çykmasaň wagtal-wagtal münbere,
goldan bolup ýalançyny, il ýaly,
ýüz ýyl bäri ata-baba ýörelgäň,
din-imanyň gorky bilen uýulan,
öýüňde namazly, işde ateist,
a soňundan tersi, gizlenip içip,
oýnamasaň oýny bilen köplügiň,
garaşarlar dymmagyňa iň bolman,
ýüzünden ýörelse aglama derek,
ýalandan ýylgyrýan aşakda, ejiz,
alaçsyz tiräniň agzasy bolup,
o bolmasa, çagyrarlar edepli,
duýdurarlar näme gowy seň üçin,
çagalaryň üçin, diňe özüň däl...
Bu oýuny kim bilmeýär sorasaň,
hem diýýärler allaň özi gorasyn!