Pişe

Okamagy pişe etseň,
okarsyň sen günde az-kem,
diňlemegi pişe etseň,
diňlärsiň sen günde az-kem,
pişe etseň oýlanmagy,
oýlanarsyň gündiz, gije,
ýöremegi pişe etseň,
ýörärsiň, hiç durmarsyň sen,
döretmegi pişe etseň,
dörärsiň sen, döredersiň
öz-özüňi günde az-kem,
täzelärsiň, öwredersiň,
öwrenersiň özüňden kän,
was-waslygy pişe etseň,
göýä ýapyk, batan dükan,
zeýrenmegi pişe etseň,
şol zeýrener oturarsyň,
günler dogar, sen güni däl,
bir özüňi batyrarsyň.