Adam we KGB
O birisi ýüz saraltdy KGB-ä,
ýogsa pahyr türmede däl, çykypdyr,
başga ilde düýp tutupdyr wagtynda,
bilinden, dyzyndan gaçmanka gurbat,
emma indi boýun burýar KGB-ä,
sebäbi iline, halka gynanýar,
ýa-da başga niýeti bar, gümürtik,
aýlyk berjek diýýär gowy, saldamly,
geçiň diýýär hataryna ezilen,
öz siňegin goramaýan tiräniň,
wah, KGB boljakmydy KGB,
gün görmese niresinden niräniň?