Yzda galanyň aýdany

Adam aýtdy: uçar geçse asmandan,
ýüzümize sylyp, dileg edýäris,
gelsin diýip ulus-iliň gideni,
arasynda gelsin diýip biziňki,
wah, iýeniň däl ekeni garnyňky,
wah, geýeniň däl ekeni egniňki,
ojagyň ojak däl ody peselse,
üçegiň üçek däl, geçirse ýagyş,
iki günlük diýilýäni çyn panyň,
däl ekeni görenleriň gözüňki,
bu gün bar sen, kim bolsaň bol, ertesi
kim bilerki, gyryňky ýa düzüňki.