Gedaý döwlet

Ogry döwlet, gedaý döwlet, aç döwlet,
talanan milleti talaýar doýman,
ýüz ýyl boldy, saklanmady, durmady,
goýnuň bolsa alýar, guzusyn goýman,
geçiň bolsa alýar, owlagyn goýman,
alýar düýäň bolsa, köşegi bilen,
ýekeje ýyl saklanmady, durmady,
goluny gowşuryp, garyby soýman,
indi gezek ýetdi jüýjä, towuga,
ogry döwlet, gedaý döwlet, aç döwlet,
daňýar ili açlyk bilen sowuga.