Parhsyz goşgy

Dost-dogan ýa obaň, iliň,
parhyna almasa seni,
öldürseler, ýitirseler,
ýorgan edip gara güni,
ýapynyp baş, aýagyna,
ogul-gyzyn eltip berip,
hökümetiň taýagyna,
tans et diýse, tansyn edýän,
aýdym aýdýan aýdym diýse,
bugdaý ekip ýazda, güýzde,
gara gyşda özün iýse,
düşün, seniň üçin däldir,
pelle-pelle düşen aşak,
bilýän ýaly bolsa-da, kän,
başarmasa bilin guşap,
alajy ne, bilmedik bor,
ölseň, ýitseň, gelmedik bor,
hem parhyna almaz özün,
dok bolan bor bolsa-da hor,
goý, suwarsyn, örňetsin şer,
sen goşulma sürse, ekse,
ýa ekmese, onuňky ýer.