Prokuror pelsepesi

Iň gowusy, amatlysy,
garalawçy bolsaň, galsaň,
hökümete arka diräp,
gerek bolsa urup, süýräp,
buýursalar gizlin, açyk,
goý, pikiri biraz başga
ölsün ýa-da gitsin gaçyp,
geçilen ýol, bilýär millet,
ýöne tana degmesizi,
bir özüne gurup jennet,
dowzah eden gözel ýurdy,
bir ýa iki adam däldir,
tire däldir bir ýa iki,
millet däldir bir ýa iki,
pikir etme kelte, bükür,
iň gowusy, amatlysy,
diýlenin et, et-de şükür.