Adalatyň ýazgydy
You can also commit injustice by doing nothing. Marcus Aurelius
Adalatsyz bolup bolýar hemişe,
wezipeli, wezipesiz, okaman,
ýa-da okap Eflatuny her gije,
düşünýänden bolup ýylgyrsaň dünýä,
her kes munda öz ulagyn ulanýar,
biri eşek, biri araba münýär,
çünki adam başga, ümzügi başga,
otly münýär ýa atlanýar uçara,
aralykda, käte teker astynda,
adalat, kirpi dek, köçeden geçjek,
ýer tapmaýar şum ýazgytdan gaçara.