Sen žurnalist

Sen žurnalist, il-günüňden
ogurlanan puluň, malyň
yzyn çalsaň, öldürerler,
güldürmezler, ýüze gelip,
dil uzatsaň azan hana,
il sergezdan, kümsügi kän,
öldürýäne diýer jana...

Belki, muňa ilki gowy düşünmän,
sada, oglan göwnüň bilen gelýärsiň,
soň düşünýäň ýok edilen ärlere,
hökümetiň eli uzyn, bilýärsiň,
eger gaçsaň, bagtyň çüwüp uzaga,
öldürerler seniň eneň-ataňy,
yzda galan naçar, ýesir, çäresiz,
a kärdeşler hat ýazarlar: ha-ha-ha,
ýat illerde, jibrin-jibrin ölýärsiň;
sen žurnalist, jogap berip bileňok,
ýöne işiň etseň her gün azajyk,
agyň kesip, az-da bolsa gülýärsiň.