Ýazylmadyk aýdym

Agyryňy, kimem bolsaň,
diliň bolup, eliň bolup,
janyň bolup içde häli,
huşuň bolup başda häli,
özüň aýdyp bilmeseň hiç,
dil bilmeseň, hat bilmeseň,
ýa-da bilip, het etmeseň,
ýa garaşsaň alla, geler,
goldar diýip ir ýa-da giç,
belki, alla bakar saňa,
sag adam däl, göýä däli,
daş-töwerek, goňşy-golam,
bolup bilse özüň ýaly,
ölseň - götererler egne,
adam ýaly äkiderler,
gowşurarlar gerek ýerne,
soň diýerler: wah, gowudy,
hudaýa-da gerek ýagşy,
bu bir aýdym, ýazylmadyk,
aýtmaly kän, bolsaň bagşy.