Migrant masgaraçylygy

Oba-şäher, tanyş-biliş, ýüzde-göz,
toýy, ýasy millet edýär milleti,
baryş-geliş, azam bolsa gatnaşyk
ysnyşdyrýar däp-dessury, saçagy,
adam bolan diýmesizi diýmeýär,
saklaýar içinde kine, gaharyn,
sypdyrmajak bolýar geleni dilden,
gybat etse, töhmet atsa utanýar,
näme diýer diýip, çekinýär ilden,
emma ilden aýrylanda ejizler,
aýralygy götermeýär, belki-de,
tanasyn ýa tanamasyn ýakyndan,
agzyna gelenin diýýär her kime,
başarsa, çykardyp gylyjy gyndan,
aralygy bulaşdyrýar has beter,
gaçyrýar milleti biri-birinden,
dili ýeten ýerne ýaýradyp heder.