Birleşmek meselesi

Eger iller basyp geçse üstünden,
zeýrenmesin gurçuk bolan köçede,
Kant aýdypdyr şuňa meňzeş bir pikir,
ýöne durmuş şeýle, şeýle adamlar,
o birleri gurçuk bolup süýrener,
beýlekiler gurjak bolar kim-kime,
daşdan allanäme, içinden bükür,
ýaşar adam, ýa ýaşajak bolar kän,
öz-özüni birleşdirip bilmez ol,
halys bolar bölünmekden ölmäkä,
bitewilik ýetdirmeýär ynsana,
pikir etse, dogan-dardaş, il bilen,
hiç bilmedik anyk näme etjegin,
haçan, nädip nirä baryp ýetjegin,
hem aňalýan birleşeliň diýýäne,
eger bolsa agzyndaky çöregin,
hatda soganyny alyp iýýäne.