Akylly nesil

Olaryň atasy örän akylly,
olaryň enesi örän akylly,
babalary, mamalary akylly,
ejeleri, kakalary akylly,
barma diýýär gara gazan ýanyna,
nämämiş, ýokjakmyş garasy hökman,
barma diýýär hiç ýamanyň ýanyna,
nämemiş, ýarasy ýokjakmyş hökman,
üstesine, özleri hem akylly,
oda, suwa urup, ýansaň ýaraňy,
saramaga biri gelmez ýalňyşyp,
ýa tolkunlar alyp gitse, peşmek dek,
tüweleýe düşen, galgadyp, gapyp,
bagtyň çüwüp, bir adadan çykarsa,
ýüzi gülmez ýatlar gutarsa tapyp,
emma bilse alaryny, utanmaz,
puluň bolsa, geler ýüwürip, çapyp.