Gabyrdaky şakyrdy

Öň o taýda, atasy kim, belli däl,
ýetim ösen, garny doýsa, gözi aç,
garym-gatym edip çäji harpyga,
haramzada yglan etdi kim bolsa,
ganym bolup açyk sözün aýdana,
başga pikir, garaýyşly, görüşli,
töhmet atdy ýurtdan çykyp gaýdana;
indi bu taýysy hyň berýär, alla,
doga boldy iň hapa söz agyzda,
kim-kime dost, kime duşman, bilmersiň,
gabyrdaky gülýär, belki, şakyrdap,
hemem diýýär: biriň gaýdyp gelmersiň!