Il we tohum

Eger-de jemagat bolmasa taýyn,
eşitmese perýadyňy, dadyňy,
diňmeli bolarsyň, çagajyk ýaly,
garanjaklap ulularyň ýüzüne,
dawasyna mal-dünýäniň üstünde,
biri-birin taýyn bolan iýmäge,
hem gidersiň öz ugruňa, dogrusy,
tohumyň bar bolsa, sepersiň ýoluň
gyrysynda görseň amatlyrak ýer,
eder-eder, her kim özüne eder,
gider-gider, her kim özüne gider,
tohumyň bolmasa, sepmeseň ýere,
ilden däl, özüňden etmeli heder.