Adam we aldaw

Öňe çykan näme diýsin, gürlesin,
gulaga ýakymly sözleri aýdyp,
güp ynanyp, işin görmän adamyň,
aýakdan aldyrsaň, galmarsyň gaýdyp,
ýa-da galsaň, ýetişmersiň uçara,
otlululara, awtobusa, iň bolman,
taksi tutup, belki, kowarsyň, emma,
ogurlanan wagtyň almarsyň yza,
mugt gaz berip, ýa söz berip owadan,
ýaşap otyr işi ýykanyň dyza,
dünýe döräp şägirdi kän şeýtanyň,
alyp gitjek suwly, getirjek suwsuz,
hemem alyp iýjek agzyňdan nanyň.