Kişi dramasy

Ruhy hassany, emlägi alnan,
çemçeli däl, çanak bilen ýygnany,
gazap bilen galjak bolup dyzyna,
has bulaşan gözi gapylyp, belki,
aljak bolup giden malyn yzyna,
ýa-da düşen kim-kimleriň alyna,
ýazgarma adamy, azy galansoň,
ýesir bolan ýüpsüz dünýe malyna;
näme eden bolsun ýaşlykda, ozal,
gaçyp bilen bolsa wagtynda çykyp,
garalawçy bolma, bolma aklawçy,
goý, ol bolsun kazy-kelan, islese,
özüni aklasyn, garagasyn kime,
düşünýäň-ä ýagdaýyna indi sen,
hemem diňläp ýitirme hiç wagtyňy,
bolmarsyň-a bolmajaga, bendi sen.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024