Ýeňlen halk

Sözüň azatlygyn inkär eden il,
düşünmedik bolup, bilmedik bolup,
sögmek azatlygyn bagryna basar,
elbetde, içinden, iki-ýekesi,
el ýetmejek ýerde ýerleşse asar,
dilinde agajyn diker-de daryň,
aljak bolup uzak köýdüren aryn.

Sözüň azatlygyn inkär eden il,
geçirimli, kanagatly, köp bilen,
bagra basar müňkürligi, dogany,
ekiztaýy ýaly, sürgünden gelen,
hem tirkeşip geçer galan ömrüne,
ne iline, ne özüne ynanyp.

Sözüň azatlygyn inkär eden il,
hem ýata suw, hem aşagy bulanyk,
gazap bilen ýaşar ezilip, egsik,
ýüregini ýigrenç üçin ulanyp.