Eger

Eger özüň biraz egsik bolmasaň,
säginmersiň ýolda ýatan kesegi
almak üçin, salmak üçin birine,
egilmekden geçen, durmakdan geçen,
ýeňseden ýa ýüzden urmakdan geçen,
ýa girmersiň girilmejek läbige,
palçyk alyp, zyňmak üçin dostuňa,
bileje kän nahar iýen, çaý içen,
kärdeşiňe ýa-da tanyş, nätanyş,
galybyňa sygmajaga azda-kän,
gara çalmak üçin, egsik bolmasaň,
şeriň bazarynda açmarsyň dükan.