Ozal we soň

Ýadyňdamy, kimdiň ozal, obada,
dört klas bilimli ejeň edebin,
terbiýesin, hiç bazarda geçmejek,
dünýäniň iň uly mekdebi saýyp,
doga edip, boýnuňa däl, beýniňe,
ýüregiňe ýüpsüz dakýan mahalyň,
soň şäherde, ýüreginde Ahalyň,
professor, dosentleriň sürüsi,
görkezýänçä nämedigin dünýäniň,
bir, ýeke ýüz bilen ýaşap bolmajak,
ýadyňdamy, kimdiň ozal, ýa doly,
ýaşaýarmyň indi özüňden dänip?