Düýnki gün

Ýap-ýaňy hem kadalydy, çilimkeş,
öýe gelip-gelmän küldan sorardy,
çekýärmi ýa hiç çekmeýär, parhy ýok,
her adamyň iki-üç küldany bardy.

Küldanyň bolmasa, külüni kakyp,
düşegiňi ýakyp gitse ýat, ýakyn,
gürrüň etseň, gürrüňçidiň, gepçidiň,
diýerdiler heleý, ýaşmajyk dakyn.

Ýap-ýaňy hem kadalydy, üýşülse,
içmelidi çekip, yzyny üzmän,
çagalar bar diýseň, gülýärdi millet,
agzyn tapman, burnun çümdürip süzmä.