Dagarman

Olaryň buýrugy geldi ýokardan,
belki, allaň ýegeninden, oglundan,
şu adamy diýip etmeli gülki,
ozal ile-güne, soň bütin dünýä,
olar işlediler çekinip ilki,
sebäbi adamy öwmeli durman,
görünse-de her gün has beter akmak,
soň işledi olar asla çekinmän,
sebäbi ýaýdanan iýýärdi tokmak,
kowýardylar işden sähel säginseň,
olaryň buýrugy geldi gün-aýdan,
ok yzyna dönmez çykansoň ýaýdan,
ýazyjy, şahyrlar, žurnalist, bagşy,
sazanda, suratkeş işledi durman,
olar ili etmelidi masgara,
maksat jandan ileridi, dagarman!