Ýok millet

Olar öldürilen şahyrlar boldy,
goşgy ýazdy waspyn edip basanyň,
olar öldürilen ýazyjy boldy,
kyssa ýazdy waspyn edip asanyň,
olar alym boldy, taryhyn ýazyp,
ata-babasyny uran, gyranyň,
isleýşi dek ezijiniň, elbetde,
hakykaty ýazan bolsa, başga gep,
olar sapak berdi mugallym bolup,
çagalara ganhorlary taryplap,
belki, bilmän, kim eziji, ezilýän,
olar ýok edilen adamlar boldy,
depesinde aýakgaply gezilýän.