Ýumruk dolandyryşy

Ýokarda birlerin bellärler işe,
ýa dakarlar orden-medal döşüne,
mynasypmy, mynasyp däl, bilmezler,
düşünjek bolmazlar kim gelýär, gülýär,
ýa näme üçin köp agladýar ölmezler,
ýa-da neden öldürmedik köp ölýär?

Ýokarda birlerin kowarlar işden,
garalarlar, belki, basarlar türmä,
hakykatmy, hakykat däl aýdylýan,
biljek bolmaz kimse kim nädip ölýär,
ýa-da ölemez-gülmez hala salynýar,
ýöne gynanmazlar ýykylsa bende,
ýa-da ölse, ozal ýokaryk çykyp,
az bolsa-da, kän görüner şermende,
güler olar ýeri giňeýän ýaly,
aşakda ezilmek has erbet, meger,
syrty külde, dag başynda hyýaly,
bilip bilmez biri öwülse nähäk,
bilip bilmez biri döwülse nähak,
düşünmez ol urýanlaryň ýumrugy,
urulýandan beter, özüne deger.