Iliň ölümi
Armanly ölenler döwlet elinden,
hökümet elinden, kanuny ogry,
watançylyk oýnun oýnan hemişe,
beýni ýuwan mydam iýmänkä gowrup,
hiç uruş, dawasyz çapýan milleti,
soýulan näçekä zalym elinden,
urulan näçekä, bolarmy sanap,
maýyp bolup galan näçekä, dogry,
mamla bolup çykýan wagty hökümet,
näçe kanun bozsa, näçesin ýazsa,
diňe özün bilip, päli-niýeti
gara bolan hökümdaryň elinden
ölenler näçekä, näçekä öljek,
barmy il içinde sanajak, biljek?