Sen ozaly sora ilden

Sen ozaly sora iliň
hakykata ynanýarmy,
adalata ynaýarmy,
ýa ynanýar güýje diňe,
kürsüsine birleriniň,
ogry, jümri bolsun hatda,
iki ýüzli han ýa soltan,
nobatdaky läbik, batga
buýsanjymy seniň iliň,
çykyp bilmän galyp ýüz ýyl,
girdabynda suwsyz siliň?

Sen ozaly sora ilden,
ýaşajakmy diýip, ölmän,
bilimlisi, bilimsizi,
bilip ýa-da ölýän bilmän,
birde busup, birde galyp,
gum sowurýan, bulaýan suw,
ony oňa, muňa salyp,
biri garga, beýleki guw,
ýa-da ümsüm, daşda durup,
tomaşaçy, oýun eden,
sora, millet batdy neden,
ynanýar ol ozal nämä,
salamlaş-da, haýdap münmän,
düýbi deşik, batjak gämä.