Alla akylyny alsa milletiň

Alla akylyndan aýrar adamy,
erkek berip gapdalyna gyňaçly,
belki-de milleti, görkezjek bolsa,
bütin dünýä, kellede bar mesele,
akylda bar problema, eý, hudaý,
nirä elter, nirelerden çykarar,
öňe çykan bolsa ruhy gedaý?

Alla akylyndan aýrar adamy,
dilinde din, iman bolar, elbetde,
arak berer, tirýek berer eline,
çilim berer, tapylmasa, nas berer,
iň ýamany, diplom berip bitirer,
okamadyk, okamajak ynsany,
para bilen ýetişdrer, ýetirer,
ýokarlaryk, hiç çykmasyz ýerine,
akyl ýerne boşluk berip serine,
samsykladar, sähne eder, gül, agla,
ilki el-aýagyň, soň aňyň bagla,
gepleme, dym diýer ýaradan, taňry,
akylyny alsa ulusyň, iliň,
böwet basma, çykma gaçyp belende,
öljek bolsaň otur öňünde siliň.