Surat

Dogry goşgy

Aýsyz gije işikdäki
kündügini ýa galoşyn ogurla,
biler iller, ýeter bir gün yzyňdan,
ýa-da tanar galoşyny, bellikli,
ilijek çatylan, aýyrsaň hatda,
geýip barsaň hudaýýola ýa toýa,
adyň bolar küren obaň ogrusy,
emma ýyllap çül-çagasyn işledip,
gazananyn bezenmegi goýaly,
agzyna ýetirme ölmez-ödülik,
tala günüň günortany ýylgyryp,
hem göz edip ýüzük dakyn güjeňläp,
öwür ogurlygy dine, imana,
köşgi-eýwanyna Ahmet Çoluklaň,
ýer ýarylsa, girsem diýsin dogrusy,
dirikäň altyndan heýkeliň dikip,
ölen günüň atam diýip bagyrar,
ýok, isleseň il-günüňe erkinlik,
onuňky däl, öz ýüregiň agyrar.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2021