Aga problemasy
"1970-nji ýyllarda köçede saklananda, ulagyndan düşüp-düşmän, özünden 10-15 ýaş kiçi inspektora 'agam' diýip ýüzlenýän adamlary göremde, gowulyga barmaýanymyzy bilipdim." Ölüm ýassygyndaky gojanyň gürrüňinden
Polisiýa, kgbçi, kazylar,
garalawçy, aklawçylar işledi,
otuz ýyllap, tüweleme diýmeli,
taladylar işlejegi bir uçdan,
işdäleri bäri-bärde durmady,
ýapdylar işini ilki biriniň,
soňra ikinjiniň, sebäbi gysyk,
emel ýeten özün asmandan asyp,
depeledi aýak ýeten ýerini,
el ýeten ýerini gopardy, aldy,
ugrun tapan gaçdy, çykdy ýurdundan,
yzda galan işsiz ýa-da aýlygy
agzyna ýetmeýär iki çaganyň,
alladan hiç kömek gelmejek eken,
aňalsaň agzyna azan aganyň.