Gaňňa meselesi

Gowy adam boljak bolma il üçin,
hemmäniň göwnüne bilmersiň ýetip,
gowy adam amatlydyr, öňýeten
eşek edip münjek bolar, odun-suw
daşajakdyr, maşgala bar, çaga bar,
dogry, durmuş şeýle, gamyş köprini,
ýykmajak bolmaly, ini, aga bar,
goňşy-golam, dosty-ýaryň, kärdeşiň
göwnüni görmeli bolýar ýylgyryp,
sypaýylyk, sylag-hormat gowusy,
her bir islän sözün diýmez düşünýän,
saklar çykjak gaharyny towusyp,
ýöne gowy boljak bolma il üçin,
boluşyň bol, aldama-da özüňi,
ýa aldama özgeleri, gaňňasyn
saljak bolup, pikir etmesin hatda,
adam bolup galjak bolsaň aýatda.