Haýyş

Arkamdaky döwlüp galan pyçaklary aýryşsana,
doganym ýa dostum bolup, gapyl wagtym zyňylan;
arkamdaky döwük-ýenjik gyçaklary aýryşsana,
agzybirlik, millet diýip, ýylgyryp sözlemän ýalan?!

Men bilýän-ä, düşünýän-ä, okadym-a taryhy-da,
bar sebäbi ýeňlişleriň olja ýa-da şöhrat dälmi?
Biz bu dünýä düýn, öňňun däl, öňüräjik geldik ahyr,
okaýas-a bilmesegem, görmesegem ynsan pälni?

Arkamdaky kesmek baglan ýaralary gaşaşsana,
ganatma-da, emaý bilen, ýüregime batyp duran;
hem hak diýmän, hudaý diýmän, biraz odun daşaşsana,
ýogsa ertir, gyşdan çykman, bolaýmaýyn hudaý uran?!.

15.01.2021-15.05.2021.